Ish-Presidenti i SHBA-së, Barack Obama, ka kritikuar ashpër administratën e Presidentit Donald Trump, duke e akuzuar se po përhap informacione të rreme dhe të rrezikshme lidhur me një lidhje të mundshme mes përdorimit të Tylenol gjatë shtatzënisë dhe autizmit.
“Kemi spektaklin e pasardhësit tim në Zyrën Ovale, duke bërë pretendime të gjera për disa barna dhe autizmin, të cilat janë hedhur poshtë vazhdimisht nga komuniteti shkencor,” – tha Obama.
Ai shtoi se deklarata të tilla mund të shkaktojnë panik të panevojshëm tek prindërit e fëmijëve me autizëm dhe gratë shtatzëna, duke theksuar se rritja e rasteve të autizmit shpesh lidhet me përmirësimin e diagnostikimit dhe zgjerimin e kritereve.
Kjo deklaratë ka ngjallur reagime të forta nga mjekë dhe ekspertë të shëndetit publik në SHBA dhe vende të tjera, të cilët i kanë quajtur pretendimet “të pabazuara në prova shkencore.”
Obama përfundoi duke theksuar rëndësinë e mbështetjes te shkenca dhe faktet, edhe kur ato mund të jenë të pakëndshme:
“Është e rëndësishme për ata që besojnë në të vërtetën dhe në shkencë, ta ndjekin të vërtetën, edhe kur ajo është e papërshtatshme për ne.”
