Këto pamje tronditëse tregojnë një 17-vjeçar, i cili hyn qetësisht në ambientet e një restoranti dhe vret me armë zjarri një 49 vjeçar.
Viktima është ish-presidenti një ekipi futbolli dhe është ekzekutuar në periferi të Stambollit. Ngjarja ka tronditur Turqinë, me incidentin e regjistruar në detaje nga kamera e sigurisë së lokalit.
Vrasja ndodhi të mërkurën në mbrëmje, me viktimën ish-presidentin e Alemdag Spor, Tuncay Meric. Siç shihet në pamjet filmike që janë publikuar, autori i afrohet atij dhe pasi nxjerr një armë nga brezi, e qëllon një herë në kokë, duke shkaktuar panik tek klientët, ndërsa ai ikën menjëherë.
Menjëherë pas incidentit, forcat e sigurisë nisën hetime të gjera për të identifikuar autorin. Sipas njoftimit të Ministrit të Brendshëm Ali Gerlikaya, i dyshuari kryesor, një 17-vjeçar, u përpoq të arratisej jashtë vendit dhe u gjet në Edirne, ku u arrestua.
Së bashku me të, është arrestuar edhe një burrë 64-vjeçar i cili e fshehu të dyshuarin në shtëpinë e tij dhe u përpoq t’i ikte atij.
Një dëshmitar okular që ishte në vendngjarje tha: “Isha ulur në një kafene me miqtë. U ngrita për të shkuar në tualet. Nuk kishte asnjë debat, asnjë dialog. Papritmas, një burrë i ri në moshë ngriti armën drejt burrit pranë tij dhe e qëlloi. Të gjithë po vraponin në atë moment, unë u shtriva përtokë.”
Autoritetet turke njoftuan se hetimi mbi motivet dhe rrethanat e vrasjes është në zhvillim.
