Ish-kryeministri Sali Berisha është pritur me brohoritje dhe duartroktike në Tropojë, ku ka prezantuar kandidatin për bashkinë e Tropojës, Besnik Dushaj.
Berisha u shfaq i emocionuar duke thënë se çdo kilometër i duket më i lehtë kur udhëton drejt Tropojës.
“Mirënjohje për këtë pritje, mesazh fitoreje që përcillini sot nga kjo sallë për shqiptarët kudo në botë. Për mbështetjen tyre të jashtëzakonshme dhe rolin epik, mbështetjen e madhe që i keni demokracisë shqiptare, e vërteta është se ky vend po të kishte një emër të dytë do ishe ‘Malësia epike’.
Edhe pse rrugë e gjatë, sa herë vij këtu, çdo kilometër më bëhet më e lehtë. Vitet ikin fluturojnë. Jam i magjepsur i mahnitur. Kam ardhur për të paraqitur si kandidat Besnik Dushaj. Njërin nga demokratët më të vendosur, një nga pasardhësit e një familjeje të nderuar, njeriu me virtyte që punoi për ndryshimin dhe zhvillimin e kësaj treve” tha Berisha ndër të tjera.
