Babai i Rihannës, Ronald Fenty, ka ndërruar jetë.
Ai ndërroi jetë herët të shtunën në mëngjes në Los Angeles, sipas Starcom Network News, një stacion radiofonik i vendosur në vendlindjen e superyllit të popit, Barbados. Shkaku zyrtar i vdekjes nuk u bë i ditur. Megjithatë, media raportoi se Fenty vdiq pas një “sëmundjeje të shkurtër”.
Burimet i thanë stacionit radiofonik se anëtarët e familjes janë mbledhur në Kaliforni për të përkujtuar jetën e tij.
Këngëtarja ende nuk ka komentuar publikisht për ndarjen nga jeta të babait të saj.
Fotot e siguruara nga Page Six tregojnë vëllain e Rihannës, Rajad Fenty, duke mbërritur në Qendrën Mjekësore Cedars-Sinai në Los Angeles për të vizituar Ronald të mërkurën. Besohet se edhe Rihanna ishte në makinë, por ajo nuk është e dukshme në foto.
