Një ndërprerje masive e energjisë elektrike ka goditur Kili këtë të martë, duke lënë 19 milionë banorë pa energji. Sipas raportimeve të Daily Mail, ndërprerja ka filluar në orën 15:15 me orën lokale, dhe ka prekur disa rajone të vendit.
Agjencia përgjegjëse për rrjetin elektrik të Kilit ka njoftuar se ndërprerja është shkaktuar nga një shkëputje në sistemin e transmetimit në rajonin Norte Chico. Sipas vlerësimeve të mbikëqyrësit të Energjisë Elektrike dhe Karburanteve, 80.1% e klientëve kanë mbetur pa energji elektrike. Mbi 580,000 qytetarë kanë mbetur në errësirë, përfshirë komunat përreth rajonit metropolitane Santiago.
Ministrja e Brendshme, Carolina Tohá, ka shpallur një takim urgjent me Komitetet e Menaxhimit të Rrezikut të Fatkeqësive për të marrë masa dhe për të punuar për rivendosjen e energjisë në rajonet e prekura.
