Trajneri i Juventusit, Thiago Motta, gjatë konferencës për shtypin të mbajtur sot në qendrën sportive të Continassa-s (Torino), foli për sfidën e ardhshme të bardhezinjve dhe për rivalitetin mes Kolo Muani dhe Vlahovic:
“Janë dy lojtarë të një niveli shumë të lartë, pavarësisht nga roli i tyre. Kur të vijë momenti, sipas meje, do të luajnë bashkë, përndryshe njëri do të nisë titullar dhe tjetri do të hyjë gjatë ndeshjes. Kjo do të varet nga ndeshja në ndeshje. Por është një çështje kolektive, e rëndësishme është që skuadra të funksionojë dhe të ketë ekuilibër.”
Sa i kënaqur jeni me Vlahovic?
Jam shumë i kënaqur. Megjithatë, për mua është e vetëkuptueshme qëndrimi dhe sjellja e tij, duhet të jetë një shembull për të punuar në grup. Ai ka pasur gjithmonë një sjellje të përsosur. Është një djalë që stërvitet gjithmonë mirë dhe pranon vendimet për të mirën e skuadrës. Po flasim për një grup, jo për individë. Të gjithë e dinë filozofinë tonë dhe po bëjnë një punë të shkëlqyer së bashku.
A po lini pas momentet më të vështira?
Kur janë momentet më të mira? Kur fiton ndeshjen. Nuk ka rrugë tjetër. Këta djem po japin gjithçka, me angazhim dhe përkushtim maksimal ndaj punës. Ata e lënë gjithçka në fushë. Për sa kohë që e shoh këtë gjë, do ta them gjithmonë. Në fund të fundit, vlerësimi bëhet mbi rezultatet. A është e drejtë apo jo? Nuk e di. Ndonjëherë nuk kemi arritur rezultatin, kjo është pjesë e futbollit dhe duhet pranuar. Nesër kemi një mundësi tjetër të madhe për të treguar veten, por këto janë momentet e futbollit: kur fiton dhe kur nuk fiton.
