Presidenti rus, Vladimir Putin tha se është gati të dokumentojë me shkrim heqjen dorë nga një sulm rus ndaj Evropës, si pjesë e negociatave diplomatike.
Ai tha se ishte një “gënjeshtër” dhe “absurditet i plotë” të pretendohej se Rusia synon të pushtojë Evropën.
“Për ne, kjo tingëllon qesharake. E vërteta është: Ne kurrë nuk kemi pasur ndërmend ta bëjmë këtë. Por nëse ata duan ta dëgjojnë nga ne, atëherë ne do ta dokumentojmë”, tha Putin në një konferencë për shtyp, pas përfundimit të vizitës se tij në kryeqytetin kirgiz, Bishkek.
Putin ka hedhur poshtë vazhdimisht akuzat nga politikanë gjermanë dhe evropianë se Rusia kërkon të pushtojë vende të tjera evropiane pas Ukrainës.
Megjithatë, siguritë e tij janë vënë në dyshim vazhdimisht nga Perëndimi, veçanërisht që kur ai pushtoi Ukrainën.
