Numri një i stolit të Interit, Inzaghi kërkoi përqëndrim maksimal në ndeshjen ndaj Monacos në Champions.
“Kemi mundësinë të përfundojmë në tetë më të mirat në renditje, do të ishte një rezultat i shkëlqyeshëm. Kemi luajtur me një përqendrim dhe agresivitet të madh, kemi shënuar pak gola, por kemi pranuar vetëm një.
Na mungon një hap i fundit dhe do të donim ta bëjmë kundër Monacos. Ata janë një kundërshtar i shkëlqyer, që kanë lojtarë të mirë dhe luajnë një futboll sulmues dhe të mirëorganizuar. Gëzojmë respekt të madh për Monacon.”
Mungesat? – “Calhanoglu nuk është thirrur për ndeshjen e nesërme, por po punon mirë si Acerbi dhe Correa që janë po ashtu të dëmtuar. Do të shohim në dy ditët e ardhshme nëse do t’i kemi gati në derbi ndaj Milanit të dielën, kemi besim, por le të presim”, tha Inzaghi.
