Udhëheqësja e opozitës në Venezuelë, Maria Corina Machado, shprehu një gjendje emocionale të veçantë kur mori vesh se kishte fituar Çmimin Nobel për Paqen 2025.
Sipas një video, lajmin ia komunikoi me telefon Kristian Berg Harpviken, drejtori i Institutit Norvegjez të Nobelit, pak para se të bëhej njoftimi zyrtar.
Machado, e prekur thellë nga lajmi, tha:
“O Zot, o Zot! Nuk kam fjalë.”
“Shpresoj ta kuptoni që ky çmim është rezultat i një lëvizjeje të tërë. Unë jam vetëm një prej shumë të tjerëve. Nuk e meritoj personalisht,” shtoi ajo.
Kur Harpviken iu përgjigj se ai besonte që e meriton si ajo, ashtu edhe lëvizja që ajo përfaqëson, Machado u përgjigj:
“E pranoj këtë çmim si një njohje për popullin tonë, për miliona venezuelianë që luftojnë për liri, drejtësi dhe paqe. Jam plotësisht e bindur se do t’ia dalim.”
Biseda telefonike e plotë:
Harpviken: Flas me Maria Corina Machado?
Machado: Po, unë jam.
Harpviken: Unë jam Kristian Berg Harpviken, Sekretar i Komitetit Norvegjez të Nobelit në Oslo. Ju telefonoj për t’ju njoftuar se për pak minuta do të shpallet nga Instituti se ju jeni laureuar me Çmimin Nobel për Paqen për vitin 2025.
Machado: O Zot… O Zot…
Harpviken: Urime të përzemërta, Maria.
Machado: Nuk kam fjalë. Ju faleminderit. Shpresoj ta kuptoni se ky është një rezultat i një lëvizjeje të tërë. Unë jam vetëm një nga shumë të tjerë. Nuk e meritoj personalisht.
Harpviken: Unë besoj se e meritoni, si ju ashtu edhe lëvizja.
Machado: E pranoj këtë si një vlerësim për popullin tonë, për miliona venezuelianë që po luftojnë për lirinë, drejtësinë dhe paqen. Jam e sigurt se do t’ia dalim.
