Partizani ka njoftuar largimin e sulmuesit Christian Mba, pas arritjes së marrëveshjes për transferimin e tij te klubi ukrainas FC Metalist 1925 Kharkiv.
Nëpërmjet një postimi në rrjetet sociale, klubi i kuq shprehu mirënjohjen për kontributin dhe përkushtimin e lojtarit gjatë periudhës që ishte pjesë e ekipit, duke përmendur edhe suksesin e arritur me fitimin e titullit kampion të Shqipërisë.
25-vjeçari nigerian ka luajtur 18 ndeshje këtë sezon, duke shënuar 5 gola. Mba iu bashkua Partizanit në vitin 2022 nga skuadra kosovare Trepça 89. Klubi i ka uruar sukses në aventurën e re me ekipin e tij të ri në kampionatin ukrainas.
