Messi paralajmëron lamtumirën nga Argjentina: Mund të jetë ndeshja e fundit në shtëpi

Lionel Messi pritet të luajë ndeshjen e tij të fundit në shtëpi me kombëtaren argjentinase. Kampionët në fuqi të botës do të përballen me Venezuelën më 4 shtator, në stadiumin Monumental të Buenos Airesit, në kuader të kualifikuesve për Botërorin 2026.
Tetë herë fituesi i Topit të Artë foli për një lamtumirë të mundshme para tifozëve argjentinas pas kualifikimit të
Inter Miamit në finalen e Kupës së Ligave.
“Do të jetë një ndeshje shume e veçantë për mua, sepse eshtë e fundit në shtëpi në fazën kualifikuese.
Nuk e di nëse do të kemi ndeshje miqësore më vonë, por e gjithë familja ime do të jetë e pranishme. Do ta perjetojme si një lamtumire në shtëpi, nuk e di çfarë do te vijë më pas”
“, – tha Messi pas giysmëfinales kundër
Orlando City-t.
Federata Argjentinase e Futbollit po shfrytëzon maksimalisht këtë moment: biletat më të lira për duelin me Venezuelën kushtojne rreth 85 euro, ndërsa për vendet më të mira çmimi arrin deri në 430 euro.
Argjentina e siguroi kualifikimin për Botëror që në muajin mars, pas fitores ndaj Brazilit. Skuadra e Lionel Scaloni-t do ta mbyllë fushatën me 9 shtator në Ekuador. Botërori i vitit të ardhshëm mund te shënojë edhe ndeshjet e fundit te Messit me fanellën e
“Albiceleste”