Ka hapur më në fund dyert shtëpia më e njohur në vend, për të pritur dhjetëra personazhe të rinj.
Pas një pune kolosale, shtëpia më e famshme në Shqipëri vjen krejtësisht e ridizajnuar, me stil modern, me ambiente të reja, plot ngjyra e drita. Gjithçka do të zbulohet këtë mbrëmje, kur dera e BBV do të hapet për të mirëpritur konkurrentët, që për herë të parë në këtë edicion nuk do të jenë vetëm personazhe të famshëm, por edhe figura jopublike, që i veçon historia që do të ndajnë me publikun.
“Mirëseerdhët. Më në fund, ja tek jemi, na keni pritur shumë, çdo gjë pas asaj dere të artë është gati. Pret dhjetëra banorë që do ndajnë histori, dhe do shfaqin një anë tjetër që nuk e keni parë. Sa më kishte marrë malli për këtë studio, për këtë publik.”– tha ndër të tjera moderatori Ledion Liço.
