Me vetëm pak më shumë se një vit kontratë, rinovimi i menjëhershëm i Lamine Yamal me Barcelonën ka qenë një temë shumë e diskutuar kohët e fundit, madje edhe për shkak të krizës financiare të klubit, por Jorge Mendes, menaxheri i njohur i talentit spanjoll, ka hequr të gjitha dyshimet lidhur me këtë çështje.
Portugezi, i cili mbron të drejtat e të riut 17-vjeçar siguroi mediat spanjolle këtë të hënë që rinovimi do të ndodhë dhe se është vetëm një çështje kohe: “Sigurisht që Lamine Yamal do të rinovojë me Barcelonën. Lamine është Barça!” u përgjigj ai, në Galanë e Golden Boy, ku spanjolli nuk arriti të ishte i pranishëm për shkak të lëndimit që mori me Leganés.
“Tani ai do të rikuperohet dhe është diçka që do të kalojë shpejt”, tha portugezi, duke qetësuar tifozët katalanas, duke shtuar se pritet që ai të qëndrojë jashtë fushave për një muaj.
https://x.com/sport/status/1868715039261409514?ref_src=twsrc%5Etfw%7Ctwcamp%5Etweetembed%7Ctwterm%5E1868715039261409514%7Ctwgr%5Ed8a7323b4ecfeeb468a046b33fa0a3e22008dd03%7Ctwcon%5Es1_c10&ref_url=https%3A%2F%2Fwww.syri.net%2Fsport%2F747671%2Fmenaxheri-i-i-talentit-te-barces-qeteson-tifozet-do-te-rinovoje%2F
