Kryeministri Benjamin Netanyahu ka thirrur një takim konsultimi emergjente pasi Hamas ka paraqitur përgjigjen e tij lidhur me marrëveshjen për paqe në Gaza, të propozuar nga Donald Trump.
Në këtë takim mësohet se nuk ishin të pranishëm ministrat e ekstremit të djathtë, Bezalel Smotrich dhe Itamar Ben Gvir.
Mendohet se mungesa e tyre në këtë takim konsultues ka ardhur si rrjedhojë e qendrimit të tyre kundër përfundimit të luftës.
Ndërkaq, të ftuar kanë qenë Ministri i Mbrojtjes, Israel Katz dhe Ministri i Çështjeve Strategjke, Ron Dermer.
Militantët palestinezë pranuan marrëveshjen e Donald Trump për arritjen e paqes me Izraelin, duke deklaruar se ishin të gatshëm të lironin pengjet. Ndërsa Presidenti amerikan i kërkoi Netanyahut të ndërpresë operacionet ushtarake.
