Një pikturë e shek. XVIII është dëmtuar nga një vizitor që u pengua ndërsa përpiqej të shkrepte një ‘selfie’.
Galeria Uffizi në Firence tha se turisti ra mbrapsht ndërsa po provonte “të bënte një meme përpara” një portreti të princit të Toskanës, Ferdinando de’ Medici, i pikturuar nga Anton Domenico Gabbiani.
Sipas muzeut, dëmi mund të riparohej shpejt, por drejtuesi, Simone Verde, paralajmëroi se në të ardhmen mund të vendosen masa për sjelljen e vizitorëve.
“Problemi i vizitorëve që vijnë në muze për të bërë meme ose selfie për rrjetet sociale është në rritje. Ne do të vendosim kufij shumë të qartë, duke parandaluar sjelljet që nuk përputhen me sensin e institucioneve tona dhe respektojnë trashëëgiminë kulturore”, shtoi ai.
Portreti është pjesë e një ekpozite me 150 vepra të quajtur: “Firence dhe Europa: Artet e shekullit XVIII në Uffizi.”
Vizitori është identifikuar nga policia dhe është raportuar te autoritetet. Për shkak të incidentit, ekspozita është e mbyllur deri më 2 korrik. Piktura do të riparohet që më pas të jetë gati për t’u vendosur në vitrinë.
Më pas, ekspozita do të vijojë deri më 28 nëntor.
