Një situatë alarmante ka ndodhur në rrugët e Berlinit kur një makinë përplasi një grup njerëzish në trotuar.
Incidenti ndodhi rreth orës 13:10, në Seestrase, një rrugë në Berlin-Wetting, në veriperëndim të qendrës së qytetit. Si pasojë e aksidentit disa fëmijë u plagosën lehtë, por shoqëruesja e tyre u plagos rëndë.
Shoferi i automjetit u arrestua në vendngjarje nga policia, ndërkohë mjetet e emergjencës, përfshirë tre ambulanca, kanë mbërritur me nxitim në vendngjarje. Shërbimet gjermane të emergjencës thanë se paraprakisht dyshohet për një ngjarje aksidentale, por pa përjashtuar edhe pistat e tjera, deri në hetimin e plotë të rastit.
