Papa Leo XIV u ka kërkuar katolikëve dhe besimtarëve të tjerë fetarë që të agjërojnë dhe luten të premten për paqen në Ukrainë dhe në vende të tjera të shkatërruara nga lufta.
“Ndërsa Toka jonë vazhdon të jetë e plagosur nga luftërat në Tokën e Shenjtë, në Ukrainë dhe në shumë rajone të tjera… i ftoj të gjithë besimtarët ta jetojnë ditën e 22 gushtit me agjërim dhe lutje”, tha Papa gjatë audiencës së tij javore në Vatikan sot.
Leo sugjeroi që besimtarët mund t’i kërkonin Zotit “të na dhurojë paqe dhe drejtësi dhe të fshijë lotët e atyre që vuajnë për shkak të konflikteve të armatosura që vazhdojnë”.
Kujtojmë se numri i viktimave në Gaza vijon të mbetet i lartë dhe banorët vendas janë në një krizë të vazhdueshme urie, ndërsa në Ukrainë, pavarësisht përpjekjeve, ende nuk është gjetur një marrëveshje që do t’i jepte fund konfliktit.
