Trajneri i PSG, Luis Enrique në konferencë para ndeshjes ndaj Stuttgart në Champions tha se skuadra nuk do luajë për barazim, edhe pse ky rezulton i kualifikon të dyja skuadrat.
“Mendoj se jemi gati, Liga e Kampioneve është motivuese për të gjithë skuadrën. Sipas meje, duhet të mendojmë të luajmë në të njëjtën mënyrë dhe të jemi gati që të luajmë me të njëjtin mentalitet si nga minutat e parë. E kemi bërë këtë sezon dhe duhet të vazhdojmë ta bëjmë.
Jam i qetë si para çdo ndeshje të Ligës së Kampioneve. që do të thotë që niveli im i qetësisë është gati pranë zeros. Jam i gatshëm për këtë kompeticion, për këtë format të ri që rezervon shumë surpriza dhe jam gati të luaj ndaj një kundërshtari i cili luan shumë mirë futboll.
Të luajmë për barazimin? Eksperienca më thotë se kur rezultati varet nga diçka e jashtme nga ajo që ndodh në fushë, ambicia dhe përkushtimi në fushë nuk janë të njëjtët. Ndaj jam këtu për këtë. Nuk dua të spekuloj, por do të mundohem të fitoj këtë ndeshje. Dhe do të mundohemi të përmirësojmë numrin e pikëve që kemi, në mënyrë që të përmirësojmë pozicionin tonë në kualifikim”, tha ai.
