Tre policët e Kosovës, të cilët u rrëmbyen ditën e djeshme nga policia e Serbisë janë liruar.
Lajmi është konfirmuar nga familjari i njërit prej policëve të arrestuar për gazetën Nacionale.
“Sapo janë liruar nga Gjykata Kushumlisë dhe janë duke ardhur në Kosovë”, ka thënë ai.
Policët u rrëmbyen në fshatin Bare në kufi me Serbinë. Serbia në anën tjetër pretendonte se ata ishin arrestuar në brendi të territorit të saj.
Kryeministri i vendit, Albin Kurti, ka deklaruar se ky veprim i Serbisë ishte bërë në shenjë hakmarrjeje për arrestimin e Millun Millenkoviq Llunes.
Nacionale ka kontaktuar edhe me Policinë e Kosovës, por të cilët thanë se nuk kishin informacione për lirimin e policëve.
KFOR-i në anën tjetër vazhdon të qëndrojë i heshtur për gjithë këtë ngjarje, ashtu si edhe faktorët tjerë ndërkombëtarë.
