Mbrëmja e së martës në ‘Ferma VIP 2’ u karakterizua nga një debat i zjarrtë mes banorëve, ku në qendër të vëmendjes ishte lidhja mes Lim Hotit dhe Alba Pollozhanit.
Ishte Erandi ai që ndezi diskutimin, duke shtruar pyetjen që shumëkush duket se e kishte menduar prej kohësh: A është ndjenja e Limit për Albën e vërtetë, apo thjesht një strategji loje?
Debati mori drejtim të menjëhershëm kur Keisi iu drejtua Esterit me një pyetje provokuese:
“Nëse një djalë jashtë të thoshte: ‘Me ty kam vetëm tërheqje seksuale’, si do reagoje?”
Esteri, duke analizuar situatën, tha se marrëdhënia mes tyre i është dukur fillimisht sipërfaqësore, por tani vëren se mund të ketë një tërheqje të ndërsjellë më serioze.
Megjithatë, dyshimet e banorëve mbeten. Shumë prej tyre besojnë se Limi po përdor afërsinë me Albën si pjesë e strategjisë së tij brenda lojës, dhe se ndjenjat që shfaq nuk janë tërësisht të sinqerta.
Elinara, nga ana tjetër, rikujtoi se në fillimet e kësaj lidhjeje, vetë Limi kishte pohuar se mes tyre kishte vetëm ‘tërheqje seksuale’, për të kaluar më pas në deklaratën e fortë ku e cilësoi Albën si ‘partneren e tij’ gjatë një prej spektakleve ‘Prime’.
Tensionet në fermë po shtohen, dhe publiku duket më i përfshirë se kurrë në ndjekjen e kësaj dinamike të ndërlikuar mes ndjenjave dhe lojës.
