Një fotografi që të rrëmben zemrën që në shikimin e parë. Një dashuri e sinqertë që nuk ka nevojë për shumë fjalë, e cila simbolizon një marrëdhënie të ngushtë dhe të paçmuar mes Princeshës Geraldinë dhe kujdestarit të Oborrit Mbretëror, Syl Mylosmanaj.
I ati, Princ Leka ka vendosur të kalojë disa momente qetësie me të voglën e tij dhe familjen në bjeshkët e Tropojës dhe ndan këtë pamje të bukur në rrjetet sociale.
Princesha Geraldinë shihet e strukur në krahët e Sylës, si për të treguar se aty ndihet më e sigurta në botë, ndërsa kujdestari i Oborrit Mbretëror vështron objektivin e aparatit dhe me njërën dorë mbështjellë pranë vetës Princeshën, për t’i dëshmuar se pavarësisht gjithçkaje ai do të jetë gjithmonë aty!
Një imazh i ëmbël që pasqyron vlera të forta të dashurisë dhe kujdesit brenda familjes mbretërore, një moment përkujtimi i bukurisë së lidhjeve që gjithmonë mbështeten në ngrohtësinë dhe përkujdesjen reciproke.
