E teksa sot në Shqipëri pritet të vijnë liderët e Rajonit si dhe komisioneri i Bashkimit Europian për Zgjerimin dhe Fqinjësinë Oliver Varhelyi, kryeministri Albin Kurti duket se nuk do të jetë prezent në këtë takim.
Kurti sipas një njoftimi nga zyra e tij, sot do të jetë në Greqi, ku do të marrë pjesë në edicionin e 25-të të Simpoziumit Ndërkombëtar SYMI, i cili është themeluar nga ish-kryeministri helenik, George Papandreou. Kjo është viti i 6-të që kryeministri i Kosovs merr pjesë në këtë event.
Teksa Kurti nuk do jetë në takimin në Tiranë, liderët që kanë konfirmuar pjesëmarrjen janë kryeministri i Malit të Zi, Dritan Abazoviç, kryeministri i Maqedonisë së Veriut, Dimitar Kovaçevski, kryeministrja e Bosnjës dhe Hercegovinës, Borjana Kristo si dhe ajo e Serbisë Ana Bërnabiç.
Raportohet se në takimin joformal të sotëm, Kosova do të përfaqësohet nga zëvendëskryeministri Besnik Bislimi.
Ky takim u paralajmërua më herët edhe nga vetë kryeministri Edi Rama. Gjatë turit të tij Ballkanik, në kuadër të përgatitjeve për Procesin e Berlinit.
Ky takim është thënë se ka për qëllim diskutimin dhe koordinimin, për të hartuar kërkesa të përbashkëta, për t’i paraqitur në samitin e tetorit, ku pritet të marrin pjesë udhëheqës të vendeve të Bashkimit Evropian.
