Liderët botërorë në funeralin e Papa Françeskut

Në një ceremoni madhështore dhe plot solemnitet, liderë nga mbarë bota u mblodhën sot në Vatikan për t’i dhënë lamtumirën e fundit Papa Françeskut. Sheshi i Shën Pjetrit u mbush me qindra mijëra besimtarë dhe personalitete të larta shtetërore që nderuan jetën dhe veprën e Papës që la gjurmë të thella në historinë e Kishës Katolike dhe përtej saj.
Ndër të pranishmit ishin presidentë, kryeministra, monarkë dhe përfaqësues të lartë të komuniteteve fetare nga të gjitha kontinentet. Në mesin e tyre u dalluan Presidenti i Shteteve të Bashkuara, Kryeministrja e Italisë, Princi i Anglisë etj.
Ceremonia nisi me një meshë të posaçme të udhëhequr nga Dekani i Kolegjit të Kardinalëve dhe përfshiu homazhe prekëse që rikujtuan mesazhin e dashurisë, shpresës dhe thjeshtësisë që Papa Françesku përçoi gjatë gjithë pontifikatit të tij.