Pas largimit të Jozit nga shtëpia e “Big Brother VIP 4,” banorët kanë shpërthyer në debate të forta. Livia dhe Loredana u përfshinë në një sherr të ashpër, ku nuk munguan ofendimet.
Livia, teksa komentoi momentin kur Loredana dhe Valbona ishin të tronditura nga largimi i Jozit, theksoi se ai ishte një djalë që nuk kishte treguar respekt për askënd në shtëpi. Loredana e kundërshtoi menjëherë, duke e akuzuar Livian për shfrytëzimin e momentit të ndjeshëm, ndërsa e cilësoi si bullizuese dhe pa empati.
Debati vijoi me akuza të ndërsjella, ku Livia e quajti Loredanën të paargumentuar, ndërsa Loredana e akuzoi Livian për mungesë vlerash dhe empatie. Livia, nga ana e saj, u mbrojt duke thënë se kishte shumë vlera dhe e kujtoi se nuk ishte ajo që kishte dalë nga shtëpia, por Jozit që mbështetej nga Loredana. Tensioni arriti kulmin kur Livia përmendi mungesën e respektit të Loredanës, ndërsa kjo e fundit e etiketoi atë si një vajzë pa vlera.
Pjesë nga debati:
Valbona: A ka mundësi boll, respektoje këtë moment
Livia: Ka dalë një djalë që nuk ka respektuar askënd në këtë shtëpi, nuk e respektoj
Valbona: E mori atë që meritonte, ka gabuar
Livia: Shumë bukur, nuk më intereson, nuk ka gabuar një herë
Loredana: Kur një vajzë është në moment delikat, ti gjithmonë aty prek, këtë bën ti
Livia: Ku po shkon? Qetësohu
Loredana: Poshtë jorganit fshihesh, tani vjen, kur është vajza në moment delikat ti vjen
Livia: Po tallesha me ty. Mos pështyj të paktën
Valbona: Pse tallesh?
Livia: Se nuk ka asnjë argument, më thotë debile, nuk kam respekt
Loredana: Ti je bullizuese. Ti nuk ke empati të kuptosh tjetrin
Livia: Jo nuk kam
Loredana: Ti je vajzë pa vlera
Livia: Kam shumë vlera, edhe meqë kam vlera nuk kam dalë unë, ka dalë ai i dashuri jot që ti mbështet. Po të mos kisha vlera do të kisha qenë në vendin tënd duke qarë
