Sipas “Ordo Exsequiarum Romani Pontificis”, tekstit liturgjik që përcakton protokollet pas vdekjes së një Pape, funerali i Papës zhvillohet zakonisht mes ditës së katërt dhe të gjashtë, çka për këtë rast do të thotë mes së premtes dhe së dielës.
Zyra e Shtypit e Selisë së Shenjtë ka njoftuar se dita e saktë do të vendoset nga kardinalët gjatë kongregacionit të parë të martën në mëngjes. Ky është një moment kyç ku mblidhen të gjithë kardinalët për të përcaktuar hapat e mëtejshëm dhe axhendën e saktë të ceremonisë mortore.
Ndërkohë, sipas New York Post, ish-presidenti amerikan Donald Trump pritet të marrë pjesë në funeralin që do të mbahet në Vatikan. Burime të afërta me Shtëpinë e Bardhë kanë konfirmuar këtë mundësi, megjithëse Trump vetë nuk e ka konfirmuar ende pjesëmarrjen. I pyetur gjatë një eventi për Vezët e Pashkëve në Shtëpinë e Bardhë, ai u shpreh:
“Nuk e di ende. Ai ishte një njeri shumë i mirë që e donte botën dhe veçanërisht i donte njerëzit që po kalonin një kohë të vështirë dhe kjo është një gjë e mirë për mua”.
