Gazetari Robert Papa, gjatë një lidhje direkte për MCN TV teksa fliste për zgjedhjet e 14 majit tha se shumica e shqiptarëve janë kundra qeverisë së korruptuar të Ramës dhe se koalicionit të Ilir Metës dhe Sali Berisha u duhen vetëm gjysmë milionë vota për të treguar se nga po shkojnë.
Politika është numra. S’ka rëndësi emri i koalicionit. Votuesit janë të Berishës. Teknikisht janë futur në koalicion. Nëse ky koalicion në total do ketë vota më shumë se partia e Ramës, kjo tregon se ka ardhur koha që pushteti të ndryshojë. Vendimet e gjykatës i shoh pa sens. Në Shqipëri duhet të huazohet ajo që bëri Berluskoni në Itali, Polin e Lirisë. Kandidatët janë të PD reale. Po krijohet një grupim. Shumë demokratë s’do të donin që Berisha të bashkohet me Metën, por politika është numër. LSI plus PD është më shumë se PS, ky është fakt. Nëse grupimi i Berishës merr gjysmë milionë vota, tregon se nga po shkon, dhe kandili i Ramës ka filluar të shuhet. Nga aq sa e ndjek unë, shumica e shqiptarëve janë kundra qeverisë së korruptuar të Ramës, një njeri që ka kaluar çdo skaj. Do ishte në të mirën e Shqipërisë që këtë radhë zgjedhjet të mos vidheshin dhe të mos ndikoheshin nga elementët kriminalë”.
