Qeveria franceze, e udhëhequr nga kryeministri François Bayrou , ka të ngjarë të mos arrijë të sigurojë një votëbesim të hënën e ardhshme, më 8 shtator.
Emmanuel Macron, duke dashur t’i përgjigjet menjëherë një skenari të tillë, dëshiron të ketë gjetur pasardhësin e Bayrou-t para 18 shtatorit, kur sindikatat më të mëdha të vendit planifikojnë greva të mëdha, sipas Politico-s.
Greva e 18 shtatorit pritet të paralizojë rrjetet e transportit të Francës, me pjesëmarrjen e sindikatave të punonjësve të hekurudhave, kontrollorëve të trafikut ajror dhe stafit të Air France. Priten gjithashtu protesta nga nëpunësit civilë, përfshirë mësuesit.
Një ministër i tha Politico se qeveria duhet të ketë një kryeministër të ri në kohë në mënyrë që “dikush të mund të përballet me sindikatat më 18 shtator”. Lidhur me atë se kush mund të marrë frenat si kryeministri i ardhshëm i Francës, Politico përmendi Ministrin e Forcave të Armatosura Sébastien Lecorny , Ministrin e Drejtësisë Gérald Darmanin, Ministren e Punës Catherine Vautrin dhe Ministrin e Brendshëm Eric Lombard.
