Një raport i ri i Kombeve të Bashkuara ngre alarmin për një rënie të paprecedentë të lindshmërisë në mbarë botën.
Sipas agjencisë së OKB-së për të drejtat riprodhuese, shumë njerëz po përballen me pamundësinë për të krijuar familjen që dëshirojnë, për shkak të kostove të larta të jetesës dhe mungesës së kohës.
Në një sondazh të zhvilluar në 14 vende që përfaqësojnë një të tretën e popullsisë botërore, thuajse 4 nga 10 persona pranuan se arsyeja kryesore që nuk kanë më shumë fëmijë është gjendja ekonomike.
Teksa 39% e njerëzve vlerësojnë gjendjen financiare si pengesën kryesore për të pasur më shumë fëmijë, vetëm 12% përmendin infertilitetin si faktor.
Artikulli sjell raste konkrete të Namrata Nangia, një nënë nga Mumbai, shpjegon se ajo dhe bashkëshorti i saj e kanë të pamundur të mendojnë për një fëmijë të dytë, për shkak të tarifave të shkollimit, mjekimeve dhe kohës së kufizuar që kanë me vajzën e tyre pesëvjeçare.
“Pas një dite të gjatë pune, më vjen keq që nuk kaloj më shumë kohë me vajzën time. Është e vështirë të mendosh për një tjetër fëmijë”, shprehet ajo.
Ndërsa Drejtoresha e UNFPA-së, Natalia Kanem, thotë se “kriza e vërtetë nuk është se njerëzit nuk duan fëmijë, por që nuk munden t’i kenë.”
Ekspertët bëjnë thirrje që qeveritë të mos bien në panik, por të zbatojnë politika që lehtësojnë jetën e prindërve – jo t’i detyrojnë ata të kenë më shumë fëmijë.
Raporti sugjeron se për të përballuar rënien e lindshmërisë, duhet mbështetje konkrete nga qeverit për familjet me çerdhe, shkolla të përballueshme dhe kohë më të lirë për prindërit.
