Një aksident ka ndodhur ditën e sotme mbi lumin Drini i Bardhë në Pejë. Sipas mediave në Kosovë një makinë ka rënë në lumë, dhe për pasojë kanë mbetur të plagosur tre persona.
Makina ka rënë nga ura e lumit Drini i Bardhë. Lajmi është konfirmuar nga zëdhënësi i policisë për rajonin e Pejës në Kosovë, Fadil Gashi i cili tha se si pasojë e aksidentit janë lënduar 3 persona.
Të plagosurit janë dërguar në spitalin e Pejës dhe janë jashtë rrezikut për jetën.
