Punonjësit e restorantit Arby u tmerruan kur zbuluan trupin e një gruaje brenda frigoriferit, tha policia lokale e Luizianës.
Sipas mediave ndërkombëtare, trupi i pajetë i përket një punonjëseje dhe është gjetur nga kolegët e saj pasditen e së enjtes.
Menjëherë restoranti ka ngritur alarm. Policia ka mbërritur në vendngjarje për të hetuar ngjarjen, ndërsa autoritetet flasin për një “vdekje të dyshimtë”. Ende nuk dihet shkaku i vdekjes së gruas fatkeqe. Megjithatë, spekulohet se vdekja e saj mund të ketë qenë një aksident.
“Një punonjës zbuloi gruan të vdekur brenda frigoriferit. Viktima ishte punonjëse e restorantit”, tha shefi i policisë dhe shtoi, “ngjarja është e pazakontë, prandaj jemi të kujdesshëm”.
Zyrtarët tani janë në pritje të një autopsie që pritet të japë përgjigje për shkakun e vdekjes, ndërkohë që hetimet vazhdojnë.
