Këngëtari Frederik Ndoci, ish konkurrent i Ferma VIP ishte sot i ftuar në Ferma Club, ku përtej përjetimeve të tij në këtë eksperiencë na zbuloi edhe një sekret.
Ai zbuloi raportin me opinionistin Elton Tozaj.
Gazetari Tozaj tregoi për një miqësi të hershme me artistin:
“Kemi ndarë sedilje avioni, një dhomë hoteli, kemi kaluar shumë bukur. Duke e njohur Frederikun jashtë, prisja më shumë prej tij në Ferma. Nuk më pëlqente që e trajtonin si më të madhin në moshë, ai ishte më i ri në shpirt se shumë të tjerë aty. I jepte spektakël duke kënduar,” tha Tozaj.
Nga ana tjetër, Frederik Ndoci sqaroi disa prej sjelljeve të tij në program, që kanë ngjallur diskutime në publik.
“Në këtë moshë nuk mund të bëja më shumë. Unë bëra një lojë sikur isha i pirë. Gjithë Shqipëria e ka diskutuar: ‘Frederiku ishte tapë’. Unë thjesht bëra rolin e doktorit, të fallxhorit. Aq ishin lojërat e mia. Nuk kisha ndërmend të dilja me fëmijë nga aty,” u shpreh ai me humor.
/vizionplus.tv
