Egnatia u rikthye tek fitorja në përballjen e parë të javës së tetë, teksa mundi 3-0 Dinamo Cityn. Skuadra rrogozhinase bëri autokritikë pas humbjes minimale me Teutën, duke marrë pikët e plota ndaj kryeqytetasve. Dhe duke ruajtur vendin e parë në renditje.
Në fillimin e ndeshjes, Dinamo City u duk më agressive, por me kalimin e minutave gjërat nisën të ndryshonin. Dhe skuadra e Edlir Tetovës nisi të kontrollonte lojën.
Në të 26-n, Gytis Paulauskas shfrytëzoi një top të hedhur nga Renato Malota, duke arritur që të mposhtë Bekim Rexhepin.
Vetëm 5 minuta më vonë, Arbin Zejnullai arriti të shënonte golin e dytë, duke ekzekutuar mjeshtërisht një goditje dënimi. Një gol spektakolar i 24-vjeçarit, që krijoi entuziazëm në stadium dhe qetësoi vendasit.
Në pjesën e dytë, Egnatia e administroi mirë rezultatin, teksa pati disa mundësi për të shënuar sërish. Dinamo city mbeti me 10 lojtarë në të 72-n, pasi Blend Krasniqi mori kartonin e dytë të verdhë.
Në fundin e sfidës Ahmetaj shënoi dhe golin e tretë për vendasit. Blutë e patën të vështirë për të përballuar rrogozhinasit, teksa ngelen me 7 pikë po aq sa dhe Kukësi, me të cilin ndan vendin e fundit të renditjes.
Egnatia ruan vendin e parë të renditjes, edhe pse në këtë ndeshje nuk u aktiviuza për asnjë minutë kapiteni Dwamena, në kuotën e 16 pikëve, duke u kondirmuar si një nga ekipet më cilësore në këtë edicion.
