Ministri i Infrastrukturës dhe Energjisë, Enea Karakaçi, ka paralajmëruar ngritjen e një fondi emergjence për sektorin energjetik. Ai theksoi nevojën për burime njerëzore dhe shpalli krijimin e Akademisë së Energjisë. Sektori, sipas tij, mbetet i ndjeshëm ndaj krizave globale. Shqipëria synon gjithashtu të forcojë lidhjet me tregjet europiane të energjisë.
Ministri i Infrastrukturës dhe Energjisë, Enea Karakaçi, paralajmëroi ngritjen e një fondi Emergjence për energjinë, ndërsa vuri theksin edhe te mungesa e burimeve njerëzore në sektor.
E për të mbushur këtë mungesë, paralajmëroi hapjen e një akademie.
Karakaçi: “Kemi vendosur krijimin e Akademisë së Energjisë, kemi bashkëpunim me BERZH-in, i përmend financuesit ndërkombëtarë, jo për qëllim emocioni, sepse ata janë këtu për hua dhe grante, por sepse jam i qartë se çdo projekt këtu apo çdo politikë është i suksesshëm nëse është i financueshëm.”
I pranishëm në konferencën e organizuar nga Shoqata e Investitorëve të huaj në Shqipëri, teksa foli për transforminin që ka pësuar sektori energjitik në vend dhe aspiratat në këtë drejtim, shtoi se është më i ndjeshmi në kohë krizash si pasojë e zhvillimeve gjeo-politike, duke theksuar se përballë sfidave të reja, duhet vendimmarje e shpejtë.
Theksoi edhe ndryshimet në fushën energjitike.
Karakaçi: “Kemi projekte të ndërtuara nga zhvillimi i ankandeve fotovoltaike, rreth 10% e prodhimit vendas vjen nga energjia diellore.”
Ministri në përfundimi tha se se Shqipërisë i duhen tashmë ndërlidhje në tregjet europiane të energjisë, duke përmendur Italinë dhe Maqedoninë e Veriut.
