Sulmuesi i Bayern, Harry Kane u shfaq në konferencë për shtyp përkrah trajnerit Kompany, në prag të takimit ndaj PSG në Champions.
“Nuk jemi mësuar të jemi kaq poshtë në tabelë. Nëse duam të përfundojmë në top 8, duhet të fitojmë çdo ndeshje dhe kjo vlen edhe ndaj PSG-së. Nesër do të jetë një ndeshje e rëndësishme”.
“Do të jetë një ndeshje shumë e komplikuar. PSG është një skuadër e madhe, ka shumë yje, janë shumë të mirë me topin dhe mesfusha e tyre do të përpiqet ta mbajë atë sa më shumë që të jetë e mundur. Ne do të përpiqemi të bëjmë të njëjtën gjë duke marrë kontrollin e topit. Do të sigurohemi që t’i vëmë në vështirësi duke bërë presion, veçanërisht ndaj portierit”, tha Kane.
