Jennifer Garner raportohet se e konsideron ish-bashkëshortin e saj, Ben Affleck, “si një vëlla”, por kjo nuk i pëlqen aspak të fejuarit të saj aktual, John Miller, i cili, sipas RadarOnline, po bën përpjekje që Affleck të mos ftohet fare në dasmën e tyre.
Burimet tregojnë se Miller është i lodhur nga afërsia e vazhdueshme mes Garner dhe Affleck, edhe pse ata vazhdojnë të bashkëprindërojnë tre fëmijët e tyre: Violet (19 vjeç), Fin (16 vjeç) dhe Samuel (13 vjeç).
“John është i lumtur që Ben nuk po ndërhyn më në marrëdhënien e tyre, por tani ai kërkon që të vendosen kufij të qartë,” thotë një burim.
Sipas tij, prania e Affleck në dasmë do të tërhiqte shumë vëmendje dhe do e zbehte rëndësinë e ditës së tyre të veçantë. Gjithashtu, Miller nuk e ndjen veten rehat të përballet me Ben në një ngjarje të tillë.
Ndërkohë, Garner vazhdon t’i thotë të fejuarit të saj se Ben është si familje për të, por tensionet mbeten.
“Çdo herë që janë në të njëjtën dhomë, atmosfera bëhet e sikletshme,” shton burimi.
Për më tepër, Ben Affleck ndjen se ka sakrifikuar shumë për shkak të marrëdhënies së Jennifer-it me John Miller, dhe ky është një tjetër element që shton tensionin në këtë trekëndësh të ndërlikuar.
