Izraeli ka publikuar shifrat paraprake të sulmeve të sotme nga Hamasi duke numëruar shumë të vdekur dhe qindra të plagosur.
Fill pas kësaj, forcat ajrore izraelite kanë nisur sulmet ajrore në Rripin e Gazës pas raketave të Hamasit në Jerusalem dhe Tel Aviv.
“Ne jemi në luftë dhe do të fitojmë”, tha kryeministri izraelit Benjamin Netanyahu sipas BBC.
“Armiku do të paguajë një çmim që nuk e ka parë kurrë më parë” tha ai. Netanyahu gjithashtu kërkoi nga qytetarët që të ndjekin udhëzimet e sigurisë.
Ministri izraelit i Mbrojtjes Yoav Gallad tha se “Hamasi bëri një gabim të rëndë këtë mëngjes duke nisur një luftë kundër shtetit të Izraelit, ushtarët “po luftojnë armikun në të gjitha pikat”.
Duke cituar shërbimet e urgjencës, mediat izraelite raportojnë se gjashtë persona u vranë nga raketat në jug të Izraelit, duke përfshirë një djalë dhe një vajzë, 280 janë plagosur nga të cilët 30 janë të rëndë.
