Një tjetër histori që është komentuar gjerësisht në shtëpinë e Big Brother është ajo e pëlqimit të Xumit ndaj Eglit. Megjithëse është parë me skepticizëm sikur të ishte vetëm për lojë, Xumi ka hedhur poshtë dyshimet e banorëve duke u shprehur se “ekziston diçka brenda meje për Eglin.”
Komediani u shpreh i gatshëm të stopoj veten në rast se Egli nuk është gati dhe ndihet në siklet, megjithëse do të donte ta njihte atë më mirë. Nga ana tjetër, Egli është shprehur e keqardhur me cinizmin e banorëve për pëlqimin e Xumit ndaj saj, duke shtuar se duke qenë se e dinë se çfarë peshe ka një histori dashurie në Big Brother, shprehen në atë formë pasi ndihen të “kërcënuar” dhe kanë një lloj pasigurie për lojën e tyre.
Xumi: Në këtë gjë nuk është unë dhe Egli, por unë dhe ajo çka ndjej unë përbrenda. Në momentin e parë që kam parë Eglin kam pëlqyer çdo gjë që kam parë te Egli. Kur kam dëgjuar rrëfimin, unë kam parë kur ajo ka qarë, ka qeshur, ajo ka pasur nevojë për dikë që ti qëndroj afër për shumë gjëra… Kjo më ka ngacmuar mua përbrenda. Unë dua të theksoj që nuk kam asnjëlloj dëshire që Egli të jetë e përfshirë në atë çka ndjej unë. Unë ua kam shprehur qartazi, është bërë tashmë pjesë e bisedimeve ndërmjet banorëve, është bërë edhe çështje debati apo dyshimi për ndjenjat që unë kam krijuar. Qoftë e vogël apo e madhe, ekziston diçka brenda meje për Eglin. Në momentin që Egli është ndjerë e bezdisur për çdo gjë që unë kam ndjerë në lidhje me të, unë i kërkoj ndjesë për këto situata. Është dicka që se kam bërë me tru, por e kam ndjerë me zemrë. Në momentin që Egli më thotë se nuk jam gati, unë i them stop kësaj gjëje dhe tërhiqem. Momentalisht do të kisha dëshirë të mbajmë një lloj miqësie me njëri-tjetrin, të flasim dhe diskutojmë për shumë gjëra me njëri-tjetrin dhe pse jo ta njohim pak më mirë njëri-tjetrin. Por nuk dua ti jap në asnjë moment këtë lloj ngjyre që mori kjo gjëja.
Egli: Në radhë të parë dua të them që më vjen shumë për të qeshur nga cinizmi i disa njerëzve në shtëpi. Po them Gertën të parën… Unë e di shumë mirë që një histori dashurie në Big Brother krijon polemika tek të tjerët dhe gjendje parehatie dhe pasigurie dhe të gjithë e dinë nga edicionet e kaluara se çfarë peshe ka një histori dashurie në Big Brother dhe patjetër që ndihet një lloj pasigurie për lojën e tyre…
