Ish-kreu i shtetit dhe aktualisht drejtuesi i Partisë së Lirisë, Ilir Meta feston sot ditëlindjen. Ai bën 53 vjeç dhe ka marrë një urim të ngrohtë nga një prej politikaneve të PL, Floida Kërpaçi.
“Gëzuar ditëlindjen për mbështetësin më të madh të rinisë Shqiptare, Ilir Meta”, shkruan ajo dhe ndan foton e mëposhtme. Edhe pse një ditë e veçantë për të, Meta ka dalë këtë të premte në terren dhe është takuar me banorët e Vorës.
Ai ka kërkuar mbështetje për kandidatin e opozitës, Indrit Hoxha, i cili garon për zgjedhjet lokale të 14 Majit.
“Në Vorë pritet me padurim ndryshimi, sepse banorët kanë nevojë urgjente për një Bashki funksionale dhe në shërbim të tyre. Prandaj 14 Maji ka një rëndësi madhore për të gjithë qytetarët e Vorës. T’ia rikthejmë Vorës bashkinë, t’ua rikthejmë qytetarëve dhe të rinjve shpresën për të ardhmen”, shkruan Ilir Meta ndër të tjera.
