Ish-kreu i KQZ, Kristaq Kume ka analizuar në Euronews Now me Erla Mëhillin praktikën që pritet të ndiqet në zgjedhjet e ardhshme me listat zgjedhore.
Ku sipas Kumes metoda ideale që të ketë garë të vërtetë mes kandidatëve do të jetë që listat të jenë të hapura, me qëllim që fitues të jetë deputeti që ka numrin më të madh të votave, pavarësisht renditjes në listë.
“Në qoftë se krahas partisë apo lidershipi të saj që ka të drejtën kushtetuese për të përcaktuar listën e kandidatëve, në vendimin përfundimtar duhet që secili nga këta kandidatë të marrë mandatin nëse ka votat. Lista duhet të jetë me 30 veta. Nëse 1\3 e listës mbahet e mbyllur për ata kandidatë në këtë pjesë nuk do të votojë njeri.”-tha ai.
Pra në logjikën e tij, ish-kreu i KQZ e cilësoi garën e vërtetë, vetëm atë që do bëhet mes kandidatëve të cilët ndodhen në 2\3 e listës së hapur. Kurse deputetët e pjesës së mbyllur të listës, pra ata që i takojnë 1\3 –ës së listës, nuk do të votohen sipas tij, sepse janë thjeshtë kandidatët e përzgjedhur të kryetarit të partisë.
“Për pasojë do kemi në të gjithë vendin diku tek 21-22 deputetë të Partisë Socialiste, që do vijnë nga votat parapëlqyese. Dhe do shkojnë 11-12 nga Partia Demokratike. Pra të respektosh atë që thotë Kushtetuta në ligj, ku kërkon jo më pak se dy të tretat në krahasim me 10.000 vota është shumë më mirë.” -përfundoi Kume.
