Ndeshjet e para çerekfinale dhuruan emocione të mëdha. Inter fitoi 1-2 ndaj Bayern, në një sfidë spektakolare. Zikaltërit e mbyllën pjesën e parë në epërsi falë një goli të Lautaros. Bavarezët u vendosën në kërkim të golit të barazimit dhe vendosën ekuilibrat me Muller, 5 minuta nga fundi. Gjithsesi, asgjë nuk kishte përfunduar akoma, me Zielinski që riktheu në avantazh skuadrën italiane. Inter shkon kështu në ndeshjen e kthimit, pas këtij suksesi në aktin e parë.
Arsenal i shkaktoi befasi Real Madridit, duke e mundur 3-0. Një super Declan Rice “tronditi” Los Blancos me dy gola, përkatësisht në minutën e 58-të dhe 70-të. Merino thelloi shifrat, pak më vonë.
Përmbysja për të besuarit e Ancelottit do të jetë mjaft e vështirë, pas kësaj disfate. Të mërkurën do të luhen dy takimet e tjera, Psg-Aston Villa dhe Barcelona-Dortmund.
