Kreu i Partisë Ilir Meta, ditën e sotme ndodhet në Berat. Ai ka shoqëruar kandidatin për kryetar të Bashkisë së Beratit Zija Ismailin, i cili së bashku me një grup të rinjsh kanë dhuruar gjak.
Meta ka publikuar momentin kur Ismaili dhuron gjak, teksa shprehet se vetë nuk mund të dhurojë gjak, pasi ka dhuruar një muaj më parë në Tiranë.
“Dhurimi i gjakut është një iniciativë që gjithmonë e kam përzemër. Shpreh vlerësimet e mia më të mira për Dr.Zija Ismaili që së bashku me një grup të rinjsh dhe të rejash janë organizuar sot për të dhuruar gjak në qytetin e Beratit.
Jam besimplotë se pas 14 Majit, me Dr.Zija Ismailin si kryebashkiak, dhurimi i gjakut do të jetë një iniciativë e përhershme nga Bashkia e Beratit. Bashkë
Fitojmë!
” shkruan Meta në postimin e tij.
