Pas polemikave me ish-gruan e tij, Wanda Nara, Mauro Icardi duket se e ka lënë pas të kaluarën. Pas disa thashethemesh, lojtari 31-vjeçar ka pranuar përfundimisht lidhjen me aktoren argjentinase, María Eugenia Suárez, më e njohur si China Suárez.
Me një postim të gjatë në rrjetin social Instagram, lojtari i Galatasaray-t shprehu dashurinë për partneren e re: “Thonë se historitë më të bukura fillojnë kur më pak e pret… kush e di… janë gjëra të fatit… ai fat që gjithmonë gjen mënyrën për të bashkuar dy njerëz, pavarësisht sa kohë kalon ose sa shumë rrugë duhet të kalojnë.”
“Për shkak se ka takime që duken sikur janë shkruar në yje, ato që kur ishim të vegjël i shikonim dhe i shoqëronim çdo natë dhe ëndërronim aq shumë gjëra… sot, nuk kam nevojë për më shumë shenja… e di që me ty, jam aty ku duhet të jem,” shkroi ai, i cili ndau disa foto të çiftit.
