Rusia ka kundërshtuar vazhdimisht idenë e anëtarësimit të Ukrainës në NATO
“Unë mendoj se lufta [në Ukrainë] mund të përfundojë së shpejti, brenda javësh, nëse jemi të zgjuar,” u tha Trump gazetarëve në Zyrën Ovale pas takimit me presidentin francez.
“Nëse nuk jemi të zgjuar, do të vazhdojë…ne nuk e duam këtë. Mos harroni atë që thashë, kjo mund të përshkallëzohet në një luftë të tretë botërore, ne nuk e duam as atë”, theksoi Trump.
Kujtojmë se presidenti francez Emmanuel Macron shkoi sot në Shtëpinë e Bardhë për bisedime me Presidentin e SHBA-së, Donald Trump në përvjetorin e tretë të pushtimit rus në Ukrainë, raporton BBC.
“Por Ukraina ka nevojë për garanci sigurie për të parandaluar kthimin e Moskës, paralajmëroi”, tha Zelensky, duke sugjeruar se anëtarësimi në BE dhe NATO “do të e ndihmonte Ukrainën.
Por Rusia ka kundërshtuar vazhdimisht idenë e anëtarësimit të Ukrainës në NATO. Ndërkaq Zelensky tha veçmas se një marrëveshje paqeje me Rusinë mund të fillojë me një shkëmbim “të plotë” të pengjeve të luftës.
