Mund të duket disi e çuditshme, por Kombëtarja shqiptare ka një lojtar në gjirin e saj i cili do të luftojë për të fituar Ligën e Kampioneve, trofeun më të rëndësishëm për klube dhe ai është Kristjan Asllani.
Mesfushori është pjesë e Interit dhe më 31 maj mund të kurorëzohet kampion i Europës, në përballjen që do të luhet kundër PSG-së.
Edhe pse grumbullimi i ekipit kombëtar do të nisë pak më herët, ku një pjesë e lojtarëve që do të kenë mbaruar angazhimet, do të mblidhen në Durrës për të filluar përgatitjet, Asllani do të jetë ai që do të marrë i fundit avionin për në Tiranë.
