Inter Miami ka marrë fitoren e parë në Kupën e Botës, aty ku heroi ishte legjenda argjentinase Lionel Messi, ndonëse në moshën 37-vjeçare. Klubi amerikan mposhti Porton me përmbysje në shifrat 2-1, ku në total numëron 4 pikë në dy sfida të luajtura dhe i ka të gjitha mundësitë për të kaluar më tej. Në fraksionin e parë ishte portugezët që gjetën golin me sulmuesin Samu nga pika e bardhë e penalltisë. Në të dytin, amerikanët luajtën më mirë ku Segovia riktheu barazpeshën.
Një goditje dënimi do të shndërrohej në gol nga Messi pas një ekzekutimi në perfeksion, me Miamin që merr fitoren 2-1 dhe e sheh veten në vendin e dytë në grup pas Palmeiras dhe me gjasat për avancim më tej.
