Parisi është përfshirë nga protestat e dhunshme kundër reformës së pensioneve dhe “1 Majit”, ditës së punëtorit. Të paktën 30 protestues janë arrestuar, pasi janë përplasur me policinë.
Ngjarjet e këtij viti patën pjesëmarrje më të madhe se në vitet e mëparshme pasi kufizimet e Covid-19 u lehtësuan në mënyrë drastike dhe kundërshtimi u përqendrua në mënyrën se si planet ekonomike të qeverive do të ndikojnë te punëtorët.
Mediat e huaja shkruajnë se demonstruesit kanë hedhur sende ndaj oficerëve të policisë, njëri prej të cilëve mori flakë.
Raportohet për incidente edhe në Lion, ku demonstruesit kanë dëmtuar makina dhe dyqane.
Demonstratat u mbajtën që në mëngjes në shumë qytete të mëdha dhe më të vogla. Sindikatat franceze kishin organizuar më shumë se 300 mitingje.
Në të gjithë vendin, autoritetet prisnin midis 500,000 dhe 650,000 protestues. Vetëm në Paris u mblodhën 100,000 demonstrues. Numri është ulur dukshëm nga demonstratat e muajve të kaluar.
