Finlanda do të bëhet zyrtarisht anëtare në NATO ditën e martë, më 4 prill 2023. Lajmi është konfirmuar nga Sekretari i Përgjithshëm Jens Stoltenberg, i cili ka shkruar se Finlanda do t’i bashkohet nesër Aleancës.
Presidenti Sauli Niisito do të udhëtojë drejt Brukselit për të marrë pjesë në ceremoninë e anëtarësimit që do të mbahet në selinë e NATO-s atje. Nesër Finlanda do t’ia dorëzojë Departamentit Amerikan të Shtetit në Bruksel instrumentin e saj të anëtarësimit në Traktatin e Atlantikut të Veriut, para fillimit të takimeve të ministrave të jashtëm të NATO-s.
Dorëzimi do të bëhet nga ministri i Jashtëm Peka Haavisto, ndërsa ceremonia e ngritjes së flamurit me rastin e pranimit të Finlandës në NATO, do të mbahet në selinë e Aleancës.
