Pasditja e sotme ka vazhduar përplasje të forta mes banorëve në ‘Big Brother Vip’. Që spektaklin e së shtunës, Gazi dhe Egla kanë debatuar ashpër me njëri-tjetrin, ndërsa ka qenë banori i cili është shprehur në biseda me të tjerë se nuk i ka pëlqyer aspak sjellja dhe mënyra sesi Egla i është drejtuar vajzave e më konkretisht Ledjonës.
Zanafilla e debatit të tyre që ka vijuar deri më tani nuk është e qartë, por duket se mes dy banorëve ka nisur një konkurrencë e fortë. Teksa po qëndronin në oborr, Egla ironizon Gazin duke thënë se mendon se ai do të shpallet fitues.
“Është damkosur me stemën e fituesit të Big Brother”, tha ajo.
