“Së pari do të shkoj unë në Gaza”, tha Rexhep Taip Erdogan, duke iu drejtuar një turme që brohoriste “President, na ço në Gaza” në qytetin e tij të lindjes, Rize.
Presidenti turk po fliste në një aktivitet për Partinë në pushtet për Drejtësi dhe Zhvillim (AKP), ku ai iu referua armëpushimit në Gaza dhe i bëri thirrje Izraelit të “respektojë nënshkrimin e tij” dhe “t’i japë fund politikës së tij agresive”.
“Vëllezërit tanë nga Palestina dhe veçanërisht Hamasi, kanë treguar se janë të gatshëm për paqe. Pas dy vitesh shtypjeje, gjenocidi dhe barbarie, fytyrat në Gaza kanë filluar të buzëqeshin për herë të parë, megjithëse me trishtim”, tha ai, ndër të tjera.
Ai gjithashtu përsëriti qëndrimin e tij të vendosur për një zgjidhje me dy shtete për çështjen palestineze.
“Ne besojmë se zgjidhja me dy shtete është zgjidhja më e mirë për të gjithë popujt e rajonit, myslimanët, të krishterët dhe hebrenjtë. Ashtu si dje, edhe sot, ne po ecim përpara me vendosmëri në këtë rrugë”, tha ai.
