Mbrojtësi i Milanit, Theo i ka kërkuar falje tifozëve, për kartonin e kuq të marrë ndaj Feyenoord në Champions League. Pas eleminimit, në postimin e bërë në rrjetet sociale, Theo nuk fsheh zhgënjimin.
“Futbolli është i paparashikueshëm, na ofron gëzime të mëdha, por edhe momente të dhimbshme. Sot ndjej një zhgënjim të jashtëzakonshëm. I kërkoj falje shokëve të skuadrës që u lashë me 10 lojtarë në fushë. Kërkoj falje edhe tifozëve që na mbështesin gjithmonë.
Ky klub është një familje dhe do të ringrihemi së bashku. Të ringrihemi së bashku, duke filluar nga unë. Forca Milan”, shkruan mbrojtësi.
